ଭୁବନେଶ୍ୱର ୧୫/୬ : ସ୍କୁଲ ଛୁଟି ବଢ଼ିବା ନେଇ ଏପର୍ୟ୍ୟନ୍ତ କୌଣସି ନିଷ୍ପତି ନେଇନି ଗଣଶିକ୍ଷା ବିଭାଗ । ସ୍କୁଲ ଛୁଟି ବଢ଼ିବା ଖବର ଗୁଜବ । ସୋମବାର କିମ୍ବା ମଙ୍ଗଳବାର ଏନେଇ ଚୂଡାନ୍ତ ନିଷ୍ପତ୍ତି ନିଆଯାଇପାରେ । ସ୍କୁଲ ଛୁଟି ବଢ଼ିବା ନେଇ ସୋସିଆଲ ମିଡିଆରେ ଗୁଜବ ପରେ ଏକଥା କହିଛନ୍ତି ଗଣଶିକ୍ଷା ବିଭାଗ ସଚିବ ପ୍ରଦୀପ୍ତ ମହାପାତ୍ର । କିଛି ଦିନ ହେବ ଆସନ୍ତା ୨୫ ତାରିଖ ପର୍ୟ୍ୟନ୍ତ ସ୍କୁଲ ଛୁଟି ବଢ଼ା ଯାଇଥିବା ସୋସିଆଲ ମିଡିଆରେ ଗୁଜବ ହୋଇଥିଲା । ଏହାକୁ ନେଇ ଦ୍ୱନ୍ଦ୍ୱ ବଢ଼ିଥିଲା । ଏହି ଗୁଜବ ଉପରେ ପୂର୍ଣ୍ଣଛେଦ ପକାଇଛନ୍ତି ସଚିବ । ଏଥିରେ କୌଣସି ସତ୍ୟତା ନାହିଁ । ଗୁଜବ ଖବର ଶୁଣି ଛାତ୍ରଛାତ୍ରୀ ତଥା ଅଭିଭାବକ ପ୍ରବାଭିତ ହେବା ଆବଶ୍ୟକ ନାହିଁ । ପୂର୍ବରୁ ୧୯ ଯାଏ ସ୍କୁଲ ଛୁଟି ରହିବ ବୋଲି ଘୋଷଣା ହୋଇଥିଲା ।
