ନୂଆଦିଲ୍ଲୀ ୨୭/୪ : ଶ୍ରୀଲଙ୍କାରେ ଆତଙ୍କବାଦୀ ଆକ୍ରମଣରେ ସାମିଲ ଥିବା ଆତଙ୍କବାଦୀଙ୍କ ଘରେ ପଶି ଶ୍ରୀଲଙ୍କା ସେନା ୧୫ ଜଣଙ୍କ ଶବ ଉଦ୍ଧାର କରିଛି । ସେମାନଙ୍କ ମଧ୍ୟରୁ ୩ ଜଣ ସନ୍ଦିଗ୍ଧ ଆତଙ୍କବାଦୀ ବୋଲି କୁହାଯାଉଛି । ପୁଲିସ କହିବା ଅନୁଯାୟୀ, କିଛି ଆତଙ୍କୀ ନିଜକୁ ବିସ୍ଫୋଟକ ସାହାଯ୍ୟରେ ଉଡାଇ ଦେଇଛନ୍ତି ।
ଶ୍ରୀଲଙ୍କାର ଇଷ୍ଟ କୋଷ୍ଟ ଅଂଚଳରେ ଗତକାଲି ରାତିରେ ଏକ ଘରେ ଆତଙ୍କୀ ଲୁଚିଥିବା ସୂଚନା ମିଳିଥିଲା । ଏହା ପରେ ସର୍ଚ୍ଚ ଅପରେଶନ କରାଯାଇଥିଲା । ଫଳରେ ଏହି ସମୟରେ ଆତଙ୍କୀମାନେ ସେନା ଉପରକୁ ଗୁଳି ଚାଳନା କରିଥୀଲେ । ସେନା ଏହାପରେ ପାଲଟା ଆକ୍ରମଣ କରିଥିଲା । ଏହି ଗୁଳିବିନିମୟରେ ୧୫ ଜଣ ଆତଙ୍କୀ ସଫା ହୋଇଛନ୍ତି । ସେମାନଙ୍କ ମଧ୍ୟରେ ୬ଜଣ ଶିଶୁ ସାମିଲ ଅଛନ୍ତି । ସୈନ୍ୟ ପ୍ରବକ୍ତା ଅଟ୍ଟାପଟୂ ଏହି ବିଷୟରେ ସୂଚନା ଦେଇଛନ୍ତି ।
