ନୂଆଦିଲ୍ଲୀ ୧୫ : ବାଲାକୋଟରେ ଆତଙ୍କବାଦୀ କ୍ୟାମ୍ପ ଉପରେ ଭାରତୀୟ ବାୟୁସେନାରେ ଏୟାରଷ୍ଟ୍ରାଇକ ପରେ ତିକ୍ତତା ବୃଦ୍ଧି ପାଇଛି । ଯେକୌଣସି ଅପ୍ରତିକର ପରିସ୍ଥିତିକୁ ସାମ୍ନା କରିବା ପାଇଁ ଭାରତୀୟ ବାୟୁସେନା ପ୍ରସ୍ତୁତ ଅଛି । ଏହି କ୍ରମରେ ଭାରତୀୟ ବାୟୁସେନା ଗୁରୁବାର ରାତିରେ ପଞ୍ଜାବର ପାକିସ୍ତାନ ସୀମାରେ ଅଭ୍ୟାସ କରିଛନ୍ତି । ଏହି ଅଭ୍ୟାସରେ ଭାରତୀୟ ବାୟୁସେନାର ବଡ ସଂଖ୍ୟାରେ ବିମାନ ସାମିଲ ହୋଇଥିଲା । ପଞ୍ଜାବର ପାକିସ୍ତାନ ସୀମା ପାଖରେ ଭାରତୀୟ ବାୟୁସେନାର ଅଭ୍ୟାସ ଚାଲିଥିବା ସମୟରେ ଆଖପାଖର ଅଞ୍ଚଳରେ ଭାରିମାତ୍ରାରେ ବିସ୍ପୋରଣ ହେବାର ଶଦ୍ଦ ଶୁଣାଯାଇଥିଲା । ଏହି ସମୟରେ ଅମୃତସର ସହର ଲୋକମାନେ ଭୟରେ ରହିଥିଲେ । ଅଭ୍ୟାସ ସମୟରେ ବଡ ସଂଖ୍ୟାକ ବାୟୁସେନାର ଯୁଦ୍ଧ ବିମାନ ପଞ୍ଜାବ ଏବଂ ଜାମ୍ମୁ ଉପରେ ସୁପର ସେନିକ ବୁମ ତିଆରି କରିଥିଲେ । ଏଥିପାଇଁ ବିମାନ ଯିବା ପରେ ମଧ୍ୟ ଭାରି ମାତ୍ରାରେ ବିସ୍ପୋରକ ଶଦ୍ଦ ହୋଇଥିଲା ।
