ବଲାଙ୍ଗିର ୩/୩ :ବିବାହ ପ୍ରତିଶୃତି ଦେଇ ଶାରିରୀକ ସମ୍ପର୍କ ରଖି ପ୍ରତାରଣା କରିବା ଜଣେ କୃଷି ଅଧିକାରୀଙ୍କ ମହଙ୍ଗା ପଡ଼ିଛି। ମହିଳାଙ୍କ ଅଭିଯୋଗ ପରେ ଅତିରିକ୍ତ କୃଷି ଅଧିକାରୀଙ୍କୁ ପୋଲିସ ଗିରଫ କରିଛି। ଏହି ଘଟଣା ବଲାଙ୍ଗିର ଜିଲ୍ଲା ସଇଁତଳା ବ୍ଲକର। ବଲାଙ୍ଗିର ଜିଲ୍ଲା ସଇଁତଳା ବ୍ଲକର ଅତିରିକ୍ତ କୃଷି ଅଧିକାରୀ ଦିଲୀପ କୁମାର ମାଝୀ ଗିରଫ ହୋଇଛନ୍ତି । ବିବାହର ପ୍ରଲୋଭନ ଦେଖାଇ ଅଧିକାରୀ ଜଣକ ପୀଡ଼ିତାଙ୍କ ସହ ଶାରୀରିକ ସମ୍ପର୍କ ରଖିଥିବା ଅଭିଯୋଗ ହୋଇଛି । ମହିଳା ଜଣକ କିଛି ଦିନ ତଳେ ଏନେଇ ଥାନାରେ ଲିଖିତ ଅଭିଯୋଗ କରିଥିଲେ । ଏହି ଏତେଲା ଆଧାରରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରିବା ସହ ଦିଲୀପ କୁମାର ମାଝୀଙ୍କୁ ଗିରଫ କରିଛି ।
