ଆନନ୍ଦପୁର ୧୧/୩ : ପ୍ରେମ ନିବଦେନରେ ବିଫଳ ହେବାରୁ ଛାତ୍ରୀଙ୍କୁ କଟୁରୀରେ ଆକ୍ରମଣ କରିଛି ସହଯୋଗୀ । ଆହତ ଛାତ୍ରୀ ରାମଦୁଲାରୀ ନାଏକ ।
ଖବର ଅନୁସାରେ,ସହଯୋଗୀ ବଳଭଦ୍ର ଜେନା ରାମଦୁଲାରୀଙ୍କୁ ପ୍ରେମ ନିବେଦନ କରି ବିଫଳ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସେ ଛାତ୍ରୀଙ୍କୁ କଟୁରୀରେ ହାଣି ଦେଇଥିଲା । ରାମଦୁଲାରୀଙ୍କୁ ଗୁୁରୁତର ଅବସ୍ଥାରେ ପ୍ରଥମେ କେନ୍ଦୁଝର ଡାକ୍ତରଖାନା ଓ ପରେ କଟକ ସ୍ଥାନାନ୍ତର କରାଯାଇଛି । ବଳଭଦ୍ରକୁ ଅଟକ ରଖି ପୋଲିସ ପଚରାଉଚରା କରୁଛି ।
ଆହତ ଛାତ୍ରୀଙ୍କ କହିବାନୁସାରେ, ବଳଭଦ୍ର ତାଙ୍କୁ ବାରମ୍ବାର ପ୍ରେମ ନିବେଦନ କରିଆସୁଥିଲା ବି ସେ ତାହା ଅଗ୍ରାହ୍ୟ କରୁଥିଲେ। ଆଜି ସ୍କୁଲ ଘରର ଗୋଟାଏ ନିରୋଳା ସ୍ଥାନରେ ବଳଭଦ୍ର ସେ ଛାତ୍ରୀଙ୍କୁ ସାକ୍ଷାତ୍ କରିବା ପରେ କଟୁରୀରେ ଆକ୍ରମଣ କରିଥିଲା । ତାଙ୍କ ଡାହଣ ଗୋଡ଼ରେ ୨ ଚୋଟ ଓ ବାମ ହାତରେ ୨ ଚୋଟ ଆଘାତ ଲାଗିଛି। ତାଙ୍କ ଚିତ୍କାର ଶୁଣି ଅନ୍ୟ ଛାତ୍ରଛାତ୍ରୀମାନେ ସେଠାକୁ ଧାଇଁ ଯାଇ ପୀଡ଼ିତାଙ୍କୁ ଉଦ୍ଧାର କରି ତୁରନ୍ତ ଆନନ୍ଦପୁର ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ।
