ସୋର ୮/୩ : ସୋର ଥାନା ଅନ୍ତର୍ଗତ ଏନଏଚ୧୬ରେ ଏକ ମର୍ମନ୍ତୁଦ ସିରିଜ୍ ସଡକ ଦୁର୍ଘଟଣା ହୋଇଛି । ଏଥିରେ ଦୁଇଜଣଙ୍କର ମୃତ୍ୟୁ ଘଟିଛି । ସୂଚନାନୁସାରେ, ଗତକାଲି ବିଳମ୍ବିତ ରାତ୍ରରେ ଜାତୀୟ ରାଜପଥରେ ଦ୍ରୁତ ଗତିରେ ଆସୁଥିବା ଏକ ଟ୍ରକ ରାସ୍ତାକଡରେ ଛିଡା ହୋଇଥିବା ଆଉ ଏକ ଟ୍ରକକୁ ଧକ୍କା ଦେଇଥିଲା । ଫଳରେ ଟ୍ରକର ଡ୍ରାଇଭରଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଏହାପରେ ଦୁର୍ଘଟଣାଘଟାଇଥିବା ଟ୍ରକଟି ପାଖରେ ଥିବା ଆଉ ଏକ ବସକୁ ମଧ୍ୟ ଧକ୍କା ଦେଇଥିଲା । ଏଥିରେ ବସଟି ରାସ୍ତା କଡରେ ଥିବା ଏକ ଚା ଦୋକାନଉପରେ ମାଡି ଯାଇଥିଲା । ସେହିସମୟରେ ସେଠାରେ ଚା ପିଉଥିବା ଜଣେ ମହିଳାଙ୍କ ମୃତ୍ୟୁ ଘଟିଛି । ଏହାସହ ଜଣେ ଯୁବକ ମଧ୍ୟ ଗୁରୁତର ହୋଇଛନ୍ତି । ପୋଲିସ ଘଟଣାସ୍ଥଳରେ ପହଁଚି ଉଭୟ ବସ ଏବଂ ଟ୍ରକକୁ ଜବତ କରି ତଦନ୍ତ ଆରମ୍ଭ କରିଛି ।
