ଭୁବନେଶ୍ୱର ୯/୬ : ଭୁବନେଶ୍ୱର ଉପକଣ୍ଠ ବାଲିଅନ୍ତା ହତ୍ୟାକାଣ୍ଡ ଘଟଣାର ଅଭିଯୁକ୍ତ ମୃକଙ୍କ ବଡ ଭାଇ ନଖରାରୁ ଗିରଫ ହୋଇଛି । ଅଭିଯୁକ୍ତକୁ ଗିରଫ କରିବା ପାଇଁ ପୁଲିସ ଚାରିଆଡେ ଜାଲ ବିଛାଇଥିଲା । ମୃତ ପ୍ରୀତମ ରାଉତରାୟର ବଡ଼ ଭାଇ ମାମୁନ ରାଉତରାୟକୁ ଗତକାଲି ରାତିରେ କମିସନରେଟ ପୁଲିସ ଗିରଫ କରିଛି ।
ଗଣମାଧ୍ୟମରେ ହତ୍ୟାକାରୀର ମୋବାଇଲ ଭିଡିଓ ପ୍ରସାରଣ ପରେ ପୁଲିସ ଅଭିଯୁକ୍ତକୁ ଚିହ୍ନଟ କରିଥିଲା । ଶୁକ୍ରବାର ଦିନ ଦିପହରରେ ଲକ୍ଷ୍ମୀସାଗର ଅଂଚଳର ଶବର ସାହିର ପ୍ରୀତମ ରାଉତରାୟକୁ ଗୋଡେଇ ଗୋଡେଇ ହାଣିଥିଲା ମାମୁନ ରାଉତରାୟ । ବିଚ୍ ରାସ୍ତାରେ ହାଣିବା ପରେ, ସୁରେଖା ଆପାର୍ଟମେଂଟ ନିକଟରେ ଏକ ନିର୍ମାଣାଧୀନ ପାଇଖାନା ଟାଙ୍କିରେ ରକ୍ତାକ୍ତ ଅବସ୍ଥାରେ ଫିଙ୍ଗି ଚାଲିଯାଇଥିଲା ।
