ଭୁବନେଶ୍ୱର ୭/୩ : ବାଣୀବିହାର ମଧୂସୁଦନ ହଷ୍ଟେଲରୁ ଦିବସ ବେହେରା ନାମକ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଥିବା ଘଟଣାରେ ଏବେ ନୂଆମୋଡ଼ ଆସିଛି । ପ୍ରେମ ପାଇଁ ଛାତ୍ର ଜଣକ ଆତ୍ମହତ୍ୟା କରିଥିବା ଜଣାପଡ଼ିଥିବା ବେଳେ ଆଜି ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି ।
ସୂଚନା ମୁତାବକ, ଗତକାଲି ଭୁବନେଶ୍ୱରସ୍ଥିତ ବାଣୀବିହାର ମଧୂସୁଦନ ହଷ୍ଟେଲରୁ ଦିବସ ବେହେରା ନାମକ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଥିଲା । ପ୍ରେମଜନିତ ଆତ୍ମହତ୍ୟା ସନ୍ଦେହ କରାଯାଉଥିବା ବେଳେ ଏବେ ପରିବାର ପକ୍ଷରୁ ପୁଅକୁ ହତ୍ୟା କରାଯାଇଥିବା ଅଭିଯୋଗ କରାଯାଇଛି । ସେ ପବ୍ଲିକ ଆଡ଼ମିନଷ୍ଟ୍ରେସନରେ ଦ୍ୱିତୀୟ ବର୍ଷ ପିଜି କରୁଥିଲେ । ତାଙ୍କ ଘର ନୟାଗଡ଼ ଦଶପଲ୍ଲା ଅଞ୍ଚଳରେ ।
