ନାସିକ ୨୫/୧ : ଶୁକ୍ରବାର ଭୋରରେ ଏକ ଚିତାବାଘ ନାସିକ ସହରରେ ଆତଙ୍କ ଖେଳାଇ ଦେଇଛି । ଏହି ବାଘଟି ସଭରକର ନଗରକୁ ପଶି ଆସି ହଇଚଇ ସୃଷ୍ଟି କରିଥିଲା । ତାକୁ ଧରିବା ପାଇଁ ଜଙ୍ଗଲ ଅଧିକାରୀ ଓ ପ୍ରଶାସନ ଉଦ୍ୟମ କରିବା ବେଳେ ତା’ ଆକ୍ରମଣରେ ସ୍ଥାନୀୟ ଶିବସେନା କର୍ପୋରେଟର ସନ୍ତୋଷ ଗାଏକୱାଡ ଆହତ ହୋଇଛନ୍ତି । ଏହାଛଡ଼ା ସେଠାରେ ଭିଡ଼ିଓ ଚିତ୍ର ଉତ୍ତୋଳନ କରୁଥିବା ଦୁଇଜଣ ସାମ୍ବାଦିକ ମଧ୍ୟ ଚିତା ଆକ୍ରମଣର ଶିକାର ହୋଇଛନ୍ତି । ଏହି ୩ ଜଣଙ୍କୁ ସ୍ଥାନୀୟ ଏକ ହସ୍ପିଟାଲରେ ଭତ୍ତି କରାଯାଇଛି । କର୍ପୋରେଟର ଗାଏକୱାଡ ଘଟଣାସ୍ଥଳରେ ବାଘକୁ ଦେଖୁଥିବା ଲୋକଙ୍କ ଭିଡ଼କୁ ନିୟନ୍ତ୍ରଣ କରିବାବେଳେ ଆକ୍ରମଣର ସମ୍ମୁଖୀନ ହୋଇଥିଲେ ।
