ବୈାଦ୍ଧ ୮/୩ : ଏକ ଡ୍ରେନରେ ଖସିପଡି ଜଣେ ଯୁବକଙ୍କ ମୃତ୍ୟୁ ଘଟିଛି । ଦୁର୍ଘଟଣାଟି ୫୭ ନଂ ଜାତୀୟ ରାଜପଥ ଅନ୍ତର୍ଗତ ପୁରୁଣା କଟକ ନିକଟରେ ଘଟିଛି । ପୁରୁଣାକଟକରେ ରାସ୍ତା କଡରେ ଥିବା ଡ୍ରେନରେ ପଡି ଜଣେ ମୃତ୍ୟୁବରଣ କରିଛନ୍ତି । ମୃତ ଯୁବକ ଜଣଙ୍କ ହେଉଛନ୍ତି ରାମ୍ଭିକଟା ଗ୍ରାମର ଭାଗିରଥୀ ସେଠୀ । ୫୭ନଂ ଜାତୀୟ ରାଜପଥ ପୁରୁଣାକଟକର ରାସ୍ତାଟି ଖୁବ ଅଣଓସାରିଆ ହୋଇଥିବାରୁ ଅସାବଧାନତା କାରଣରୁ ସେ ରାସ୍ତାକଡ ଡ୍ରେନରେ ପଡିଯାଇଥିଲେ । ପରେ ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ବାରମ୍ବାର ସ୍ଥାନୀୟ ଲୋକେ ମୁକୁଳା ଥିବା ଡ୍ରେନକୁ ନେଇ ଅସୁବିଧାର ସମ୍ମୁଖୀନ ହେଉଥିବା ବେଳେ ଏହାର ସମାଧାନ ପାଇଁ ପ୍ରଶାସନ ପାଖରେ ଦାବି କରିଛନ୍ତି ।
