ସୋର ୬/୩ : ପୁଣି ଜଣେ ନାବାଳିକା ଦୁଷ୍କର୍ମର ଶିକାର ହୋଇଛନ୍ତି । ତେଣ୍ଟେଇ ଗ୍ରାମର ଜଣେ ନାବାଳିକାକୁ ସେହି ଗ୍ରାମର ମୁନା ଚକୋଲେଟ ଦେଇ ବିଲକୁ ନେଇ ସେଠାରେ ଦୁଷ୍କର୍ମ କରିଛି । ଏ ନେଇ ସୋର ଥାନାରେ ଅଭିଯୋଗ ହେବାପରେ ପୋଲିସ ଘଟଣାର ତଦନ୍ତ କରି ଅଭିଯୁକ୍ତକୁ ଗିରଫ କରିଛି ।
ସୂଚନାଥାଉକି, ସୋର ଥାନା ତେଣ୍ଟେଇ ଗ୍ରାମର ଜଣେ ନାବାଳିକା ତାଙ୍କ ସାନ ଭଉଣୀ ସହ ଜାଗର ଦେଖିବାକୁ ଯାଉଥିଲେ । ନାବାଳିକାକୁ ଅଭିଯୁକ୍ତ ମୁନା ଚକୋଲେଟ ଦେଇ ବିଲକୁ ନେଇ ସେଠାରେ ଦୁଷ୍କର୍ମ କରିଥିବା ଜଣାଯାଇଛି । ସାନ ଭଉଣୀ ତାଙ୍କୁ ନ ପାଇବାରୁ ବୁଢ଼ୀମାକୁ ଜଣାଇଥିଲା । ପରେ ପରିବାର ଲୋକେ ବହୁ ଖୋଜାଖୋଜି କରିବା ପରେ ନାବାଳିକାକୁ ବିଲରୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ । ପରେ ପରିବାର ଲୋକ ଥାନାରେ ଅଭିଯୋଗ କରିବାରୁ ପୋଲିସ ଅଭିଯୁକ୍ତକୁ ଗିରଫ କରିଛି ।
