ବ୍ରାହ୍ମଣୀଗାଁ ୨୨/୧ : କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଅଂଚଳରେ ଆଜି ଏକ ବଡ଼ ଧରଣର ଦୁର୍ଘଟଣା ଘଟିଛି । ଏଥିରେ ୧୧ ଜଣ ପ୍ରାଣ ହରାଇଥିବାବେଳେ ପ୍ରାୟ ୨୫ଜଣ ଆହତ ହୋଇଛନ୍ତି । ଏକ ମିନିଟ୍ରକ ଗଦାପୁରରୁ ବ୍ରାହ୍ମଣୀଗାଁ ଯିବାବେଳେ ବଙ୍ଗରଦୁଆ ଘାଟିରୁ ପ୍ରାୟ ୪୦ ଫୁଟ ତଳକୁ ଖସି ପଡ଼ିଥିଲା । ଫଳରେ ମିନିଟ୍ରକଟି ଏକ ପ୍ରକାର ଚୁରମାର ହୋଇଯାଇଥିବାବେଳେ ସେଥିରେ ଥିବା ଲୋକମାନଙ୍କ ମଧ୍ୟରୁ ୬ ଜଣ ଘଟଣାସ୍ଥଳରେ ପ୍ରାଣ ହରାଇଥିଲେ । ବ୍ରହ୍ମପୁର ଡାକ୍ତରଖାନାରେ ଅନ୍ୟ ୫ ଜଣଙ୍କର ମୃତ୍ୟୁ ଘଟିଛି । ପୋଲିସ ଓ ସ୍ଥାନୀୟ ଲୋକେ ଘଟଣାସ୍ଥଳରେ ପହଂଚି ଲୋକମାନଙ୍କୁ ଉଦ୍ଧାର କରିବା ପରେ ବ୍ରାହ୍ମଣୀଗାଁ ଓ ବ୍ରହ୍ମପୁର ହସ୍ପିଟାଲକୁ ପଠାଇଥିଲେ । ଏହି ଦୁର୍ଘଟଣା ସ୍ଥାନୀୟ ଅଂଚଳରେ ଶୋକର ଛାୟା ଖେଳାଇଦେଇଛି ।
