ସୋର ୧୦/୬ : ସୋର ରେଳ ଷ୍ଟେସନରେ ଆଜି ଏକ କୋଇଲା ବୋଝେଇ ଟ୍ରେନର ପଛ ବଗିରେ ନିଆଁ ଲାଗିଯାଇଛି । ମାଲବାହୀ ଟ୍ରେନଟି ତାଳଚେରରୁ ହଳଦିଆ ଯାଉଥିଲା । ଏହି ସମୟରେ ହଠାତ ପଛ ବଗିରେ ନିଆଁ ଲାଗି ଯାଇଥିଲା । ଘଟଣା ସ୍ଥଳରେ ଦମକଳ ବାହିନୀ ପହଂଚି ନିଆଁକୁ ଆୟତ କରିଛି । ଲାଇନ କଟା ଯାଇ ନଥିବାରୁ ନିଆଁକୁ ଆୟତ କରାଯାଇ ପାରିନାହିଁ । ସୂଚନା ମୁତାବକ, ସକାଳ ୮ଟା ବେଳେ ବାଲେଶ୍ୱର ଜିଲ୍ଲା ସୋର ରେଳବାଇ ଷ୍ଟେସନରେ ଏକ କୋଇଲା ବୋଝେଇ ଟ୍ରେନ୍ ଆସି ପହଞ୍ଚିଛି। କୋଇଲା ନେଇ ୫୮ ବଗିବିଶିଷ୍ଟ ଏଇ ମାଲଗାଡ଼ିଟି ତାଳଚେରରୁ ହଳଦିଆ ଅଭିମୁଖେ ଯାଉଥିଲା। ପଛ ବଗିରେ ନିଆଁ ଧରିଥିବା କଥା ଗାର୍ଡ ସଦିରା ଷ୍ଟେସନରେ ଜାଣିବା ପରେ ସୋର ଷ୍ଟେସନକୁ ଖବର ଦେଇଥିଲେ। ଟ୍ରେନ୍ ସୋର ଷ୍ଟେସନରେ ପହଞ୍ଚିବା ପୂର୍ବରୁ ନିଆଁ ଲିଭାଇବା ନିମନ୍ତେ ଘଟଣାସ୍ଥରେ ଦୁଇଟି ଦମକଳ ପହଞ୍ଚି ଯାଇଥିଲେ।
