ଢ଼େଙ୍କାନାଳ ୧୭/୧ : ଢ଼େଙ୍କାନାଳ ସଦର ପଦ୍ମନାଭପୁର ନିକଟ ରେଙ୍ଗାଲି କେନାଲରୁ ଦୁଇଟି ମୃତଦେହ ଉଦ୍ଧାର କରାଯାଇଛି । ତେବେ ସେମାନଙ୍କ ପରିଚୟ ଏପର୍ଯ୍ୟନ୍ତ ମିଳିନାହିଁ । କେନାଲ ଭିତରେ ମଧ୍ୟ ଭାଙ୍ଗିରୁଜି ଯାଇଥିବା ଏକ ମୋଟରସାଇକେଲ ପଡ଼ିଛି । ସ୍ଥାନୀୟ ଲୋକମାନେ କେନାଲରେ ଶବ ଭାସୁଥିବାର ଦେଖି ଦମକଳ ବାହିନୀ ଓ ଥାନାକୁ ଫୋନ କରିଥିଲେ ମଧ୍ୟ ବହୁ ସମୟ ପର୍ଯ୍ୟନ୍ତ କେହି ଆସିନଥିଲେ । ପରେ ଦମକଳ ବାହିନୀ ସହାୟତାରେ ଶବ ଦୁଇଟିକୁ ଉଦ୍ଧାର କରି ପୋଲିସ ବ୍ୟବଚ୍ଛେଦ ପାଇଁ ପଠାଇଛି । ଏହା ଦୁର୍ଘଟଣା କି ହତ୍ୟାକାଣ୍ଡ ତାହା ସ୍ପଷ୍ଟ ହୋଇନାହିଁ ।
