ନୂଆଦିଲ୍ଲୀ ୧୩/୫ : ୱିଙ୍ଗ କମାଣ୍ଡର ଅଭିନନ୍ଦନ ପୁଣି ନିଜ କାର୍ୟ୍ୟରେ ଯୋଗଦେଇଛନ୍ତି । ରାଜସ୍ଥାନ ସୁରତଗଡ ସ୍ଥିତ ଏୟାରବେସରୁ ସେ ଡ୍ୟୁଟି ଆରମ୍ଭ କରିଛନ୍ତି । ସୂତ୍ରରୁ ମିଳିଥିବା ସୂଚନା ଅନୁସାରେ ଶନିବାର ଦିନ ସେ ନିଜ କାର୍ୟ୍ୟରେ ଯୋଗଦେଇଛନ୍ତି । ତେବେ ଏହା ଦ୍ୱିତୀୟ ଥର ପାଇଁ ତାଙ୍କର ପୋଷ୍ଟିଂ ରାଜସ୍ଥାନରେ ହୋଇଛି । ସୁରତଗଡ ପୂର୍ବରୁ ତାଙ୍କୁ ବିକାନେରରେ ପୋଷ୍ଟିଂ ହୋଇଥିଲା । ସୁରତଗଡ ଏୟାରଫୋର୍ସ ବେସ୍ରେ ମିଗ୍ ୨୧ ବାଇସନ୍ ଏୟାରକ୍ରାଫ୍ଟର ଅପରେସନରେ ତାଙ୍କୁ ଦାୟିତ୍ୱ ଦିଆଯାଇଛି ।
କିନ୍ତୁ ସେ ପୁଣି ଥରେ ଯୁଦ୍ଧ ବିମାନରେ ଉଡାଣ ଭରିପାରିବେ କି ନାହିଁ ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ବାୟୁସେନାର ପ୍ରୋଟୋକଲ ଅନୁଯାୟୀ ଯଦି ଜଣେ ଥରେ ପାଇଲଟ ଯୁଦ୍ଧ ବିମାନରୁ ନିଜକୁ ଇଜେକ୍ଟ କରୁଛନ୍ତି ତେବେ ସେ ଦ୍ୱିତୀୟ ଥର ପାଇଁ ଯୁଦ୍ଧବିମାନ ଉଡାଇ ପାରିବେ ନାହିଁ । ଫେବ୍ରୁୟାରୀ ୨୭ତାରିଫରେ ଭାରତୀୟ ସୀମାରେ ପ୍ରବେଶ କରିଥିବା ପାକିସ୍ତାନ ଏଫ୍-୧୬ବିମାନକୁ ଧ୍ୱଂସ କରିଥିଲେ ୱିଙ୍ଗ କମାଣ୍ଡର ଅଭିନନ୍ଦନ ବର୍ତମାନ ।
