କନ୍ଧମାଳ ୨୭/୧ : ନିକଟରେ ତୁମୁଡିବନ୍ଧ ସେବାଶ୍ରମ ସ୍କୁଲରେ ଜଣେ ନାବାଳିକା ଛାତ୍ରୀ ସନ୍ତାନ ପ୍ରସବ କରିବା ଘଟଣାକୁ ନେଇ ଚାଲିଥିବା ଚର୍ଚ୍ଚା ଥମିନଥିବା ବେଳେ ସେହି ଅଂଚଳର ଅନ୍ୟ ଜଣେ ନାବାଳିକା ଛାତ୍ରୀ ଦୁଷ୍କର୍ମର ଶିକାର ହୋଇଛନ୍ତି । ଏହି ଛାତ୍ରୀଙ୍କୁ ତାଙ୍କ ଗ୍ରମାର ଜଣେ ଯୁବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଘଟଣା ଜଣାପଡ଼ିବା ପରେ ଯୁବକ ଜଣକ ଫେରାର ହୋଇଯାଇଛି । ଛାତ୍ରୀଟିର ପରିବାର ଲୋକ ବେଲଘର ଥାନାରେ ଏତଲା ଦେବାପରେ ପୋଲିସ ମାମଲା ରୁଜୁ କରି ଘଟଣାର ଅନୁସନ୍ଧାନ କରୁଛି ।
