ନୂଆଦିଲ୍ଲୀ:କଂଗ୍ରେସ ଦଳର ଟିଭି ପେନେଲିଷ୍ଟ ହେବାକୁ ଚାହୁଁଛନ୍ତି କି? କଂଗ୍ରେସ ସମ୍ପର୍କରେ ନିଜର ଭିଡ଼ିଓ କରି ପଠାନ୍ତୁ।
ଦେଶର ସର୍ବପୁରାତନ ଜାତୀୟ ଦଳ ବର୍ତ୍ତମାନ ଏକ ସର୍ବଭାରତୀୟ ଟ୍ୟାଲେଣ୍ଟ ସର୍ଚ୍ଚ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛି। ଏହି କାର୍ଯ୍ୟକ୍ରମରେ ଦଳ ଦେଶବାସୀଙ୍କ ମଧ୍ୟରେ ଭିଡ଼ିଓରେ ମତାମତ ପ୍ରଦାନର ଏକ ଜାତୀୟ ପ୍ରତିଯୋଗୀତା କରିବାକୁ ଯାଉଛି
ଭିଡ଼ିଓ କଂଫେରେନ୍ସ ମାଧ୍ୟମରେ ସ୍ପିକ ଅପ ଇଣ୍ଡିଆ ପ୍ରଚାର ପରେ ଦଳ ବର୍ତମାନ ଲୋକଙ୍କ ସହ ସିଧାସଳଖ ଯୋଡି ହେବାକୁ ଚାହୁଁଛି।
ଏଥିପାଇଁ କଂଗ୍ରେସ ଦଳ ଲୋକଙ୍କ ଠାରୁ ସେମାନଙ୍କର ନିଜର ମତାମତକୁ ଭିଡ଼ିଓ କରି ପଠାଇବାକୁ ଖୁବଶୀଘ୍ର ଅନୁରୋଧ କରିବାକୁ ଯାଉଛି।
ଦଳ ସବୁଠାରୁ ପ୍ରଭାବଶାଳୀ ଭିଡ଼ିଓ ଗୁଡିକୁ ଦଳରେ ଜାତୀୟ ସୋସିଆଲ ମିଡିଆ ପ୍ଲାଟଫର୍ମରେ ପୋଷ୍ଟ କରାଯିବ। ଏବଂ ଭିଡ଼ିଓ ପ୍ରସ୍ତୁତକର୍ତାଙ୍କୁ ଦଳରେ ଟିଭି ପେନେଲିଷ୍ଟ ଭାବେ ନିଯୁକ୍ତି ଦେବାକୁ ନିମନ୍ତ୍ରଣ ଦିଆଯିବ।
