ନୂଆଦିଲ୍ଲୀ ୪/୬ : ଏମଏସଏମଇ କାଯ୍ୟାଳୟରେ ଦାୟିତ୍ୱ ଗ୍ରହଣ କରିଛନ୍ତି ପ୍ରତାପ । ତାଙ୍କ ସହ କ୍ୟାବିନେଟ୍ ମନ୍ତ୍ରୀ ନୀତିନ ଗଡକରୀ ବି ଏମଏସଏମଇ ବିଭାଗର ଦାୟିତ୍ୱ ଗ୍ରହଣ କରିଛନ୍ତିି । ମେ’ ୨୩ ତାରିଖରେ ଲୋକସଭା ନିର୍ବାଚନ ଜିତିବା ପରେ ହଠାତ୍ ସେ ସୋସିଆଲ ମିଡିଆରେ ହିରୋ ପାଲଟିଯାଇଥିଲେ । ବାଲେଶ୍ୱର ଲୋକସଭା ଆସନରୁ ବିଜେପି ଟିକଟରେ ଜିତି ସଂସଦକୁ ଯାଇଛନ୍ତି ପ୍ରତାପ । ସରଳ ଜୀବନଯାପନ ପାଇଁ ସେ ଚର୍ଚ୍ଚାରେ ଅଛନ୍ତି । ସେଥିପାଇଁ ତାଙ୍କୁ ଓଡ଼ିଶାର ମୋଦି ବୋଲି କୁହାଯାଏ । ଏହା ସହ କେନ୍ଦ୍ର ସରକାରରେ ସାମିଲ ହୋଇଛନ୍ତି ପ୍ରତାପ । ତାଙ୍କୁ ଅଣୁ, କ୍ଷୁଦ୍ର ଏବଂ ମଧ୍ୟମ ଶିଳ୍ପ ବିଭାଗ ସହ ପଶୁପାଳନ ମନ୍ତ୍ରାଳୟର ରାଷ୍ଟ୍ରମନ୍ତ୍ରୀ ଭାବେ ଦାୟିତ୍ୱ ମିଳିଥିଲା । ପ୍ରତାପଙ୍କ ଶପଥ ଗ୍ରହଣ ସମୟରେ କରତାଳିରେ ଫାଟି ପଡିଥିଲା ରାଷ୍ଟ୍ରପତି ଭବନ । ଏଥର ବାଲେଶ୍ୱର ଲୋକସଭା ଆସନରୁ ବିଜେପି ଟିକେଟରେ ନିର୍ବାଚନ ଜିତିଛନ୍ତି ପ୍ରତାପ ।
