ବ୍ରହ୍ମପୁର ୧/୬ : କଂଗ୍ରେସ ପ୍ରାର୍ଥୀ ମନୋଜ ଜେନା ହତ୍ୟା ମାମଲାରେ ପୋଲିସକୁ ମିଳିଛି ବଡ ସଫଳତା । ଗତାକାଲି ରାତିରେ ବ୍ରହ୍ମପୁର ପୋଲିସ ଦୁଇ ଅଭିଯୁକ୍ତଙ୍କୁ ଏନକାଉଂଟର କରିଛି । ପୋଲିସର ଗୁଳିରେ ଦୁର୍ଦ୍ଦାନ୍ତ ଅପରାଧୀ ଆସିକାର ଗଣେଶ ନାୟକ ଓରଫ ବୁଲୁ ଓ ହୃଷି ପାତ୍ର ଆହତ ହୋଇଛନ୍ତି । ଉଭୟ ମନୋଜ ଜେନା ହତ୍ୟାକାଣ୍ଡରେ ସଂପୃକ୍ତ ଥିବା ନେଇ ପୋଲିସ ସୂଚନା ଦେଇଛି । ଆହତ ବୁଲୁ ଓ ହୃଷିର ଗୋଡରେ ଗୁଳି ବାଜିଛି ଏବଂ ସେମାନଙ୍କୁ ବଡ ମେଡିକାଲରେ ଭର୍ତ୍ତି କରାଯାଇଛି । ସେମାନଙ୍କ ପାଖରୁ ୨ଟି ପିସତଲ , ତିନି ରାଉଣ୍ଡ ଗୁଳି ଓ ଗୋଟିଏ ବାଇକ୍ ଜବତ ହୋଇଛି । ଏହି ଦୁହେଁ ଆଉ ଦୁଇଟି ହତ୍ୟାରେ ମଧ୍ୟ ସଂପୃକ୍ତ ଥିବା ଜଣାପଡିଛି ।
