ଜମ୍ମୁ ୧୪/୬ : ଜମ୍ମୁ-କାଶ୍ମୀରରେ ସୁରକ୍ଷାବଳ ଏବଂ ଆତଙ୍କବାଦୀଙ୍କ ମଧ୍ୟରେ ଲଗାତାର ଗୁଳିବିନିମୟ ଚାଲୁ ରହିଛି । ସୁରକ୍ଷାବଳଙ୍କ ଗୁଳିରେ ୨ ଜଣ ଆତଙ୍କବାଦୀ ନିହତ । ଶୁକ୍ରବାର ସକାଳ ଆତଙ୍କବାଦୀ ଏବଂ ସୁରକ୍ଷାବଳଙ୍କ ମଧ୍ୟରେ ଗୁଳିବିନିମୟ ଚାଲିଥିଲା । ଏହି ଗୁଳିବିନିମୟ ପୁଲୱାମାରେ ବ୍ରୋବାନ୍ଦିନା ଅଞ୍ଚଳରେ ହୋଇଥିଲା ।
ସୁରକ୍ଷାବଳ ଅପରେସନ୍ କରି ସମ୍ପୁର୍ଣ୍ଣ ଅଞ୍ଚଳକୁ ଘେରିବା ସହ ଗୁଳି ଚାଳନା କରିଥିଲେ । । ଯେଉଁ ଘରେ ଆତଙ୍କବାଦୀ ଲୁଚିଥିଲେ ଉକ୍ତ ଘର ଉପରକୁ ଗୁଳି ଚାଳନା କରିବା ପରେ ଘର ନିଆଁ ଲାଗିଯାଇଥିଲା ଏବଂ ଆତଙ୍କବାଦୀ ବାହାରକୁ ଦୌଡିଥିଲେ । ଏହି ସମୟରେ ସୁରକ୍ଷାବଳଙ୍କ ଗୁଳିରେ ୨ ଜଣ ଆତଙ୍କବାଦୀ ନିହତ ହୋଇଥିଲେ ।
