ନୂଆଦିଲ୍ଲୀ : ଓଡିଶା ମୁଖ୍ୟମନ୍ତ୍ରୀ ମୋହନ ମାଝୀ କହିଛନ୍ତି ଯେ ଆଗାମୀ ବର୍ଷ ଜାନୁୟାରୀ ମାସରେ ଭୁବନେଶ୍ୱରରେ ହେବାକୁ ଥିବା Make in Odisha Conclave 2025 ସର୍ବ ବୃହତ ପୁଞ୍ଜି ନିବେଶ ମେଳା ହେବ l

“ମୁଁ ଆଶା କରୁଛି ୨୦୨୫ କନକ୍ଲେଭ ଏକ ଶିଳ୍ପ ସମାବେଶ ଅନୁଷ୍ଠିତ ହେବାକୁ ଯାଉଛି ।”

ଏଠାରେ ଗୁରୁବାର ଦିନ ବିଭିନ୍ନ ଦେଶର 34 ଜଣ କମିଶନର, ହାଇକମିଶନର ଏବଂ ବରିଷ୍ଠ ଅଧିକାରୀଙ୍କ ସହିତ ଓଡିଶାରେ ପୁଞ୍ଜି ନିବେଶ କୁ ନେଇ ଆଲୋଚନା କରିବା ପରେ ମୁଖ୍ୟମନ୍ତ୍ରୀ ଗଣମାଧ୍ୟମକୁ ସୂଚନା ଦେଇ କହିଥିଲେ ଯେ ଓଡିଶାରେ ଶିଳ୍ପ ବାତାବରଣ ଏବଂ ପୁଞ୍ଚିନିବେଶ ପାଇଁ ସକରାତ୍ମକ ଆଲୋଚନା ହୋଇଛି।

ଏଥିରେ ଆନ୍ତର୍ଜାତିକ ସହଭାଗୀତା ଭିତ୍ତିରେ ଓଡିଶାରେ କିପରି ବିଦେଶୀ ପୁଞ୍ଜି ନିବେଶ ହୋଇ ପାରିବ ଆଜିର ଆଲୋଚନା ଫଳପ୍ରଦ ହୋଇଛି।

ଆଗାମୀ ଦିନରେ ସେମିକଣ୍ଡକ୍ଟର, ଆଇଟି, ଗ୍ରୀନ ଏନର୍ଜି, ପେଟ୍ରୋ କେମିକାଲସ, ଇଲେକ୍ଟ୍ରୋନିକସ, ଫୁଡ ପ୍ରୋସେସିଙ୍ଗ କ୍ଷେତ୍ରରେ ଅଧିକ ପୁଞ୍ଜିନିବେଶ ହେବାର ସମ୍ଭାବନା ରହିଛି।

ଏହା ୨୦୩୬ରେ ସମୃଦ୍ଧ ଓଡିଶା ଏବଂ ୨୦୪୭ ରେ ବିକଶିତ ଓଡିଶା ଗଠନରେ ନିଶ୍ଚିନ୍ତ ସୁଦୃଢ ମୂଳଦୁଆ ପକାଇବ ।

ଯାହା ପ୍ରଧାନମନ୍ତ୍ରୀ କହିଥିଲେ ପୂର୍ବୋଦୟର ବିକାଶ ହେଲେ ଭାରତର ବିକାଶ ହେବ, ତାହା ସଫଳ ହେବ।

ଓଡିଶାର ଯେଉଁ ଡବଲ ଇଞ୍ଜିନ ସରକାର ହୋଇଛି, କେନ୍ଦ୍ର ସରକାର ଏବଂ ରାଜ୍ୟ ସରକାରଙ୍କ ମିଳିତ ସହଯୋଗରେ ଓଡିଶା ଏକ ଶିଳ୍ପ ହବ ରେ ପରିଣତ ହେବାକୁ ଯାଉଛି।

ଏଥିନେଇ ନିଶ୍ଚିତ ରୂପରେ ଆମକୁ ଆଜି ଏକ ସଫଳ ସଙ୍କେତ ମିଳି ପାରିଛି।

ଭୁବନେଶ୍ୱର : ଦୀର୍ଘ ସତୁରି ବର୍ଷରୁ ଉର୍ଦ୍ଧ ସମୟ ଧରି ଭାରତୀୟ ସିଗାରେଟ ବଜାରରେ ରାଜତ୍ୱ କରୁଥିବା କ୍ୟାଭେଣ୍ଡରସ ସିଗାରେଟ ଦେଶର ଘରେ ଘରେ ପରିଚିତ l ତେବେ ଏହି ସିଗାରେଟ ପ୍ରସ୍ତୁତ କରୁଥିବା ଗଡ଼ଫ୍ରେୟ ଫିଲିପ୍ସ କମ୍ପାନୀ ମାଲିକଙ୍କ ଘରକଳି ଏବେ ଦାଣ୍ଡରେ ପଡି ଗଡୁଛି l

କମାନୀର ମାଲିକାଣୀ ବିନା ମୋଦୀ ଓ ତାଙ୍କ ପୁଅ କମ୍ପାନୀର କାର୍ୟନିର୍ବାହୀ ନିର୍ଦେଶକ ସମୀର ମୋଦିଙ୍କ ମଧ୍ୟରେ କମ୍ପାନୀ ସତ୍ୱକୁ ନେଇ ଚାଲିଥିବା ବିବାଦ ଏବେ ତୀବ୍ର ରୂପ ନେଇଛି l ଏପରିକି ଘଟଣା ବର୍ତମାନ ପିଟାପିଟି ଆଡକୁ ଗଲାଣି l

ପାଖାପାଖି 11,000 କୋଟିରୁ 30,000 କୋଟି ଟଙ୍କାର ଏହି ଗଡ଼ଫ୍ରେୟ ଫିଲିପ୍ସ ତମ୍ବାଖୁ କମ୍ପାନୀର ଉତ୍ତରାଧିକାରୀ ସତ୍ୱକୁ ନେଇ ଗୋଟେ ପଟେ ମା ଝିଅ ଓ ଅନ୍ୟ ପଟେ ଦୁଇ ପୁଅ ସମୀର ଓ ତାଙ୍କ ଭାଇଙ୍କ ମଧ୍ୟରେ ବୋର୍ଡରୁମ ଯୁଦ୍ଧ ଚାଲିଛି l

ବୋର୍ଡ଼ରୁମ ପିଟାପିଟି ରେ ସମୀରଙ୍କ ଆଙ୍ଗୁଠି ଭାଙ୍ଗି ଯିବା ଅଭିଯୋଗ ଏବଂ ସମୀରଙ୍କ ପୁତୁରା ହାଇକୋର୍ଟ ରେ ମାମଲା ରୁଜୁ କରିବା ପରେ ଏହି ବିବାଦ ଘନେଇବାରେ ଲାଗିଛି l

କମ୍ପାନୀର ଜଣେ ପ୍ରମୋଟରଙ୍କୁ ପିଟିବା ଏବଂ ରାତାରାତି ବାହାର କରିଦେବା କଥା ଏକ ସାକ୍ଷାତକାରରେ କହିଛନ୍ତି ସମୀର l ସେ ଏ ସଂକ୍ରାନ୍ତରେ ଥାନାରେ ଏତଲା ଦେଇଥିବା କଥା ମଧ୍ୟ କହିଛନ୍ତି l

ବ୍ରହ୍ମପୁର: ଟିପିଏସ୍ଓଡିଏଲ୍(ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍)କୁ ସମ୍ମାନସ୍ପଦ କଳିଙ୍ଗ ପରିବେଶ ଉତ୍କର୍ଷ ପୁରସ୍କାର ମିଳିଛି । ଭୁବନେଶ୍ୱରରେ ଆୟୋଜିତ ନବମ ଜାତୀୟ ପରିବେଶ, ଶକ୍ତି ଓ ଜଳବାୟୁ ପରିବର୍ତ୍ତନ-୨୦୨୪ ସମ୍ମିଳନୀରେ କମ୍ପାନୀକୁ ଏହି ପୁରସ୍କାର ପ୍ରଦାନ କରାଯାଇଛି।

ଇନଷ୍ଟିଚ୍ୟୁଟ୍ ଅଫ୍ କ୍ୱାଲିଟି ଆଣ୍ଡ୍ ଏନଭାରମେଣ୍ଟ ମ୍ୟାନେଜମେଣ୍ଟ ସର୍ଭିସେସ୍ (ଆଇକ୍ୟୁଇଏମ୍ଏସ୍) ଏବଂ ହାଇଦ୍ରାବାଦସ୍ଥିତ ଇନଷ୍ଟିଚ୍ୟୁଟ୍ ଅଫ୍ ପବ୍ଲିକ୍ ଏଣ୍ଟରପ୍ରାଇଜ୍ (ଆଇପିଇ) ପକ୍ଷରୁ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ପରିବେଶ ସଂରକ୍ଷଣ ଏବଂ ନିରନ୍ତର ବିକାଶ ପ୍ରଣାଳୀରେ ଉଲ୍ଲେଖନୀୟ ପ୍ରଦର୍ଶନ ପାଇଁ ଟିପିଏସ୍ଓଡିଏଲକୁ ୨୦୨୩ ବର୍ଷ ପାଇଁ ୪-ତାରକା ବର୍ଗରେ ଏହି ପୁରସ୍କାର ମିଳିଛି । ଲେସୋଥୋର ହାଇକମିଶନର ଲେବୋହାଙ୍ଗ ଭାଲେଣ୍ଟାଇନ୍ ମୋଚାବା ଟିପିଏସ୍ଓଡିଏଲକୁ ଏହି ପୁରସ୍କାର ଦେଇଛନ୍ତି । ପରିବେଶ ସଂରକ୍ଷଣ କ୍ଷେତ୍ରରେ ଅଭିନବ ଏବଂ ପ୍ରଭାବଶାଳୀ ଅଭ୍ୟାସ କାର୍ଯ୍ୟକାରୀ କରିବା କ୍ଷେତ୍ରରେ ଟିପିଏସଓଡିଏଲର ଗୁରୁତ୍ୱପୂର୍ଣ୍ଣ ଅବଦାନ ରହିଆସିଛି।

କମ୍ପାନୀ ନିଜର ପରିଚାଳନାଗତ ଦକ୍ଷତା ବୃଦ୍ଧି କରିବା ସହ ନିରନ୍ତର ବିକାଶ କ୍ଷେତ୍ରକୁ ମଧ୍ୟ ଯଥେଷ୍ଟ ଗୁରୁତ୍ୱ ପ୍ରଦାନ କରୁଛି । ସେହିଭଳି ପରିବେଶ ସଂରକ୍ଷଣ ଓ ଏହାର ସକାରାତ୍ନକ ପରିବର୍ତ୍ତନ ଦିଗରେ ନିଜର କ୍ରମାଗତ ନିବେଶ ଜାରି ରଖିଛି ।